在2022年，開始接觸 board game。 有少少購物慾的我一不小心購入了29個Board Game。現在我大概擁有40+ Board Games。完全稱不上桌遊專家嘅我反而覺得更有資格分享吓初階board game。
一個好玩的 Party Board Game 的元素
喺我分享我心目中的最佳 party game 之前，首先想講吓喺我心目中，一個好的 party game 包含什麼元素：
- 規則簡單易明：最好5分鐘之內可以清楚解釋遊戲規則，否則仲未開始玩，大家已經失去興趣。
- 最好大家可以同時參與/ 等待時間少： 既然係party game，最好大家能夠同時參與。一些角色扮演嘅 board game，例如狼人殺，總有人第一輪就死。結果等好耐先至可以再玩下一鋪俾人殺嘅玩家就好冇癮。
- 經常玩桌遊既人沒有優勢： 呢一點對於party game來講好重要。如果唔係你成日贏，冇人會想同你玩，亦都唔會覺得有趣。 通常帶有運氣成份嘅Board Game就可以拉近各種玩家嘅差距。
排名不分先後嘅最佳Party Game：
Throw Throw Burrito (2-6人)
呢個係同爆炸貓同一間公司出既考反應嘅遊戲。 首先，副牌嘅顏色好靚。第二，你有機會掟人！ 最鍾意係當中兩人對決嘅時候，大家都睇得好開心。 不過建議去camp嘅時候玩會開心啲，如果屋企太多裝飾品就唔啱玩了。 佢仲有一個特大版吹氣特大版本，淨係睇個 video 都覺得好正！
優點：設計靚 / board game 都可以做運動(?!) / 緊張刺激
缺點： 通常每次gathering都係玩兩次，就轉第二隻game / 由於太過緊張刺激，呢排好容易殘
📹 影片： 官方影片 / Game什麼Youtuber介紹
🛒 購買連結 👉🏻👉🏻 Throw Throw Burrito 普通版 / Throw Throw Burrito 戶外吹氣版
Scout (2-5人)
我相信冇咩人唔識玩鋤大D。呢個game好似鋤大D，但又唔完全係鋤大D。首先，佢可以五個人一齊玩，突破左鋤大D最多得四個人玩嘅原則。第二，你副牌攞咗返嚟， 就冇得再砌牌或調亂牌嘅次序， 聽落好似聽天由命咁。不過，你可以上下倒轉副牌嚟睇，因為每隻牌啲上下數字唔同， 又有番命運在你手嘅感覺。 就咁講好似好難明，可以睇吓其他YouTuber介紹。 個個玩過呢副牌嘅朋友都愛不釋手，自己入返一盒。我都係咁樣喺人哋介紹之下買咗。
優點：好細盒，大概兩盒啤牌搭埋一齊咁大， 方便攜帶 / 非常上癮 / 可以五個一齊玩
缺點：牌設計簡單
📹 影片： 桌遊港介紹 / 粉爸親子桌遊Youtuber介紹
🛒 購買連結 👉🏻👉🏻 Scout (唔一定有貨)
Camel Up 駱駝大賽2.0 (3-8人)
越多人玩越好玩！呢個遊戲大家就好似入咗香港馬場咁，大家並非駱駝嘅主人，而係估邊隻駱駝會最先衝過終點（贏錢）。中間亦都有分段賽事，估中又會有錢。駱駝嘅快慢主要靠擲骰仔決定。 當然，呢個又未至於係純賭博嘅game，都有些少策略，可以令到你買嘅駱駝處於優勢/ 或其他人買嗰隻處於劣勢。身邊朋友玩咗一次之後，已經喺度諗緊點樣將呢個遊戲加埋賭錢成份 🤣🤣
優點：Pop-up game board 你見過未? / 設計及造功一流，每一個 component 都有專屬佢嘅收納位置 / 可以自行增加賭錢元素🤣
缺點：好大盒，唔輕 / 真係好有運氣成份
📹 影片： 官方影片 / 逸馬的桌遊小教室介紹
🛒 購買連結 👉🏻👉🏻 Camel Up 駱駝大賽2.0 (唔一定有貨)
遊戲 SUMMARY
| 五★為滿分 | Throw Throw Burrito | Scout | Camel Up |
|---|---|---|---|
| 規則難易 | ★★★★★ 不需要5分鐘，3分鐘就明白 | ★★★★☆ 識鋤D的，5分鐘內學會 | ★★★★☆ 只有4個 action 選擇，不難 |
| 同時參與度 | ★★★★★ 大家一起搶，分秒必爭的遊戲 | ★★★☆☆ 輪住每個人出排，同鋤大D差唔多 | ★★★★☆ 輪住玩，但唔到你都會想出言騷擾對方 |
| 新老手差異 (高分為少差異) | ★★★☆☆ 玩過的一兩次的”老手”一般反應會較快 | ★★★★☆ 通常玩2-3次就會明白要訣 | ★★★★★ 運氣成份居多，玩得多無乜著數🤣 |
最後，希望大家支持正版 board game。我知道淘寶有很多「祖國版」選擇。不過大部份 board game 一盒只不過係$200-300， 一餐飯的價錢。 買正版可以繼續支持這個如此小眾但又為大家帶來歡樂的市場 💪🏻💪🏻💪🏻
👉 延伸閱讀：
💡請留意，如果你點擊以上購買連結在Amazon 購物，你不會買貴了，而我則會收到少量佣金 (我參加了Amazon Affiliate Program)。我自己經常在 Amazon購物，購買滿US$49還可以 free global shipping （包括香港）。身邊很多朋友都不知道，所以想在這裏宣傳一下～
